বিষয় - সঞ্চয় আৰু বিনিয়োগ (২)

ৰিস্ক এনালাইচিচ কৰো আহক –

এই প্ৰশ্নকেইটাৰ উত্তৰ দিয়ক –

১) আপোনাৰ বয়স

  ক) ৫০ বছৰতকৈ বেছি |

  খ) ৪০ – ৫০ বছৰৰ ভিতৰত |

  গ) ৪০ বছৰৰ তলত |

২) আপোনাৰ বছৰেকীয়া আয়

  ক) ৫ লাখৰ তলত |

  খ) ৫ – ১০ লাখ |

  গ) ১০ লাখতকৈ বেছি |

৩) আৰু কিমান বছৰলৈকে আপোনাৰ ওপৰত কোনোবাই আৰ্থিকভাৱে সম্পূৰ্ণ নিৰ্ভৰ কৰি থাকিব (কোনোবাই মানে বিশেষকৈ নিজৰ লৰা-ছোৱালীয়ে)

  ক) ১০ বছৰতকৈ বেছি |

  খ) ১০ বছৰলৈকে |

  গ) একো আৰ্থিক দায়িত্ত্ব নাই |

৪) অহা ৫ বছৰলৈ আপোনাৰ চাকৰিৰ বা ব্যৱসায়ৰ নিৰাপত্তা কিমান

  ক) সিমান ভাল নহয় |

  খ) ভালেই আৰু |

  গ) খুব ভাল |

৫) আপোনাৰ বৰ্ত্তমান আৰু ভবিষ্যতৰ আৰ্থিক লক্ষ্য ধাৰ্য্য কৰাৰ পিছত, সেইখিনি পূৰণ কৰিবলৈ আপোনাৰ ওচৰত কিমানখিনি সম্বল আছে

  ক) একেবাৰে নাই |

  খ) মোটামোটি ঠিকেই আছে |

  গ) একেবাৰে ঠিক আছে |

৬) নিজৰ বিষয়ে মন্তব্য

  ক) ৰক্ষণশীল, ৰিস্ক লবলৈ ভয় লাগে |

  খ) নিজৰ আঁচনিবোৰ সম্পূৰ্ণ কৰিবলৈ নিজকে নিয়ন্ট্ৰন কৰিব পাৰো |

  গ) গমি পিতি চাই লৈ অলপ ৰিস্ক লোৱাত আপত্তি নাই |

উত্তৰখিনি দি নিজকে নম্বৰ দিয়ক –

ক) – ৫ নম্বৰ

খ) – ১০ নম্বৰ

গ) – ১৫ নম্বৰ

যদি আপোনাৰ স্কৰ ৩০ – ৪০ নম্বৰ, তেন্তে আপোনাৰ ৰিস্ক প্ৰফাইল নিম্ন (Low)| এনেক্ষেত্ৰত বেংক আৰু পোষ্ট অফিচৰ বিভিন্ন হ্ৰস্বম্যাদী আঁচনিত বিনিয়োগ কৰিব লাগে | অলপ দীঘলীয়া (৫-৭ বছৰ) সময়ৰ বাবে বিনিয়োগ কৰিব খুজিলে কোনোবা ভাল Capital Protection Fund ত বিনিয়োগ কৰিব পাৰে | তাতোকৈ অলপ দীঘলীয়া (৭ – ১০ বছৰ) সময়ৰ বাবে বিনিয়োগ কৰিব খুজিলে নিজৰ মুঠ বিনিয়োগৰ ১০ বা ২০% কোনোবা ভাল Mutual Fund ৰ যোগেদি শ্বেয়াৰ বজাৰত লগাব পাৰে |  

যদি আপোনাৰ স্কৰ ৪5 – ৭০ নম্বৰ, তেন্তে আপোনাৰ ৰিস্ক প্ৰফাইল মধ্যম (Moderate) | এইক্ষেত্ৰত হ্ৰস্বম্যাদী বিনিয়োগৰ বাবে Capital Protection Fund  আৰু বেংক আৰু পোষ্ট অফিচৰ আঁচনিত বিনিয়োগ কৰিব লাগে | মধ্যম ম্যাদী বিনিয়োগৰ বাবে বেংক বা কোম্পানী ফিক্স ডিপোজিটত বিনিয়োগ কৰিব পাৰে | অলপ দীঘলীয়া (৭ – ১০ বছৰ) সময়ৰ বাবে বিনিয়োগ কৰিব খুজিলে নিজৰ মুঠ বিনিয়োগৰ ৫০% লৈকে ভাল Mutual Fund ৰ যোগেদি শ্বেয়াৰ বজাৰত লগাব পাৰে |

যদি আপোনাৰ স্কৰ ৭৫ – ৯০ নম্বৰ, তেন্তে আপোনাৰ ৰিস্ক প্ৰফাইল উন্নত (high) | এইক্ষেত্ৰত হ্ৰস্বম্যাদী বিনিয়োগৰ বাবে বেংক আৰু পোষ্ট অফিচৰ আঁচনিত বিনিয়োগ কৰিব লাগে | মধ্যম ম্যাদী বিনিয়োগৰ বাবে Capital Protection Fund আৰু বেংক বা কোম্পানী ফিক্স ডিপোজিটত বিনিয়োগ কৰিব পাৰে | অলপ দীঘলীয়া (৭ – ১০ বছৰ) সময়ৰ বাবে বিনিয়োগ কৰিব খুজিলে নিজৰ মুঠ বিনিয়োগৰ ৫০% ৰ পৰা ৭০% লৈকে ভাল Mutual Fund ৰ যোগেদি শ্বেয়াৰ বজাৰত লগাব পাৰে |

ভালকৈ বুজি নাপালে শ্বেয়াৰ বজাৰত পোনে পোনে টকা বিনিয়োগ নকৰাই ভাল |

(আগলৈ)